Ձյունանուշիկ

Ձյունանուշի՛կ, Ձյունանուշի՛կ,

Դու անուշիկ, սիրո՛ւն աղջիկ:

Դու բարի ես ու խելացի,

Դու մեր հրա՜շք, բարի՛ փերի…

Դու, ձյունափայլ հագուստ հագիդ,

Հիացնում ես մեզ բոլորիս,

Անակնկալ հյուր ես գալիս:

Ռուզաննա Մուքայելյան, 4-րդ դասարան

Գարուն

Ձյունը հալչում է,

Դառնում է առու:

Գետակը քչքչում է,

Բնությունը՝ զարթնում:

Արևը փայլփլում է,

Ծառեը՝ կանաչում:

Ձնծաղիկը ծաղկում է,

Երգում ու պարում:

Ավետիս Նագդալյան, 4-րդ դասարան

Անտառում

Անտառում ուրախ է, ուրախ,

Թռչունները երգում են,

Ծառերը պարում են,

Գետակները քչքչում,

Ծաղիկները նվագում,

Սկյուռիկները կրծոտում,

Կրծոտում են կաղիններ:

Անտառում ուրախ է, ուրախ:

Պար են բռնել նապաստակները,

Եվ ամառ է անտառում,

Առվակների կաթիլներ,

Թռվռո՜ւմ են, թռվռում:

Անտառում ուրախ է, շա՜տ ուրախ:

Պապյան Արտյոմ, 4-րդ դասարան

Գարուն

Ծաղկում են ծաղիկները,

Ծաղկում են և ծառերը,

Զարթոնք է բացվում շուրջը անտառի,

Ձնծաղիկն է ավետիսը,

Գարնան շունչը առաջին,

Որ բերում է բոլորին

Հրաշք լուրը գարնանային:

Զարեհ Մելքոնյան, 4-րդ դասարան

Գարուն

Եկավ գարունը.

Ցրտաշունչ ձմեռն անցավ,

Ծառերն ու ծաղիկները ծաղկեցին,

Մինչև ուշ գիշեր երեխաների ձայները լսվեցին:

Միքայել Մարգարյան, 3-րդ դասարան