Աշխատասիրությունը սովորում ենք երեք տարում, ծուլությունը՝ երեք օրում։
Արհեստը կաթ-կաթ աղբյուր է․ եթե չվարարի, չի էլ պակասի:
Արհեստ ունեցողը մինչև կեսօր է սոված, չունեցողը՝ մինչև իրիկուն:
Ծառի տակին պառկելով՝ բերանդ տանձ չի ընկնի:
Հարևանիդ ցանկացիր մի կով, որ Աստված քեզ տա երկու կով:
Ուրիշի ձեռքին նայողը սոված կմնա:
Հոգուդ մեռնեմ թանապուր, դու էլ դարձար կերակուր:
Աշխատող խոփը չի ժանգոտի։
Աշխատանքը մայրն է ամեն բարիքի, իսկ ծուլությունը՝ չարիքի։
Ծառը կոտրելը վայրկյան է, աճեցնելը՝ տարիներ:
Ամառը որ պառկես հովեր, ձմեռը կսատկեն կովեր։
Գործը վաղվան մնաց՝ իմացիր՝ կորավ գնաց։
Աշխատանքը սև է, հացը՝ սպիտակ։
