Լեզուն մարդու ամենաօրհնված և ամենավնասակար անդամն է, քանի որ միայն մեկ հատիկ խոնարհ խոսքը կարող է մեղմել բարկությունը, իսկ կոպիտը՝ կատաղության հասցնել: Մակար Մեծ
Պահի՛ր լեզուդ, քանի որ հաճախ արտաբերում է այն, ինչը թաքցնելն ավելի լավ կլիներ: Նեղոս Սինայեցի
Շատախոսությունը կհեռացնի քեզանից Աստծո Հոգին: Անտոն Անապատական
Չարախոս հոգին եռաժանիք լեզու ունի․ նախ ինքն իրեն է վնասում, հետո՝ լսողին, այնուհետև նրան, ում մասին չարախոսում է: Աբբա Փաղաքիա
Պահի՛ր լեզուդ, քանի որ կարող է կարճ ժամանակամիջոցում ցիրուցան անել բազում ջանքերիդ պտուղները: Հովհաննես Սանդուղք
Գավազանի հարվածն այնքան չի ցավեցնում մարդուն, որքան լեզվի հարվածը: Թեկուզ լեզուն ոսկոր չունի, բայց ոսկոր է փշրում: Ինչպես որ կրակը ոչնչացնում է փայտը, այնպես էլ բամբասողի լեզուն՝ անմեղի ոսկորները: Ավելի շատ պետք է զգուշանալ խայթող լեզվից, քան կատաղի շան ժանիքներից: Պողոս Պատրիարք
Բարի գործերի մասին, որ ուզում ես կատարել, երբեք մի՛ ասա․ կատարիր դրանք՝ նախապես չխոսելով այդ մասին: Անտոն Անապատական
