Հիմնական տարրերն են արծիվը, եռագույն դրոշը, վահանը և սուրը:
Եռանկյունը հաստատում է, որ ՀՀ զինված ուժերը գործում են պետության հովանու ներքո:
Արծիվը խորհրդանշում է ուժ, հզորություն, խորաթափանցություն, սլացք, կամք:
Վահանը հուշում է, որ զինված ուժերը երկրի համար պատվար են և պահապան:
Սուրը խորհրդանշում է զինված ուժերի՝ մարտական պատրաստականության առումով մշտարթուն և աչալուրջ լինելը։
Զինանշանը զետեղվում է՝
▪ ՀՀ զինված ուժերի մարտական դրոշի վրա,
▪ ՀՀ զինված ուժերի սպառազինության և ռազմական տեխնիկայի վրա,
▪ ՀՀ պաշտպանության նախարարության պատվոգրերի, շնորհավորագրերի, զինվորական համազգեստի վրա,
▪ ՀՀ զինված ուժերի ենթակայության շինությունների, ծառայողական շենքերի ճակատային մասում:
