Ջեք Լոնդոնի «Սպիտակ ժանիք» վեպն արկածային ժանրի ստեղծագործություն է, որի գլխավոր հերոսը Սպիտակ ժանիք մականունով վարժեցրած կիսաշուն-կիսագայլն է: Վեպի իրադարձությունները տեղի են ունենում Ալյասկայում ոսկու տենդի ժամանակներում: Պատմության հիմնական մասը ներկայացված է կենդանիների և մասնավորապես՝ գայլի խոհերի, պատկերացումների և ընկալումների տեսանկյունից: Մյուս կողմից՝ ներկայացվում են հեռավոր հյուսիսում բնակվող մարդու վերաբերմունքն ու հարաբերությունները աշխարհը հասկանալ ցանկացող կենդանու հետ: