Աւետիք Իսահակեանի՝ մեծ Վարպետի գրական ժառանգութիւնը ազգային հարստութիւններից է: Մեծ գրողի քնարական ստեղծագործութիւնները շատ յուզիչ են ու երաժշտական: Պատահական չէ, որ նրա շատ բանաստեղծութիւնների տեքստերով գրուել են բազմաթիւ ժողովրդական ու հեղինակային երգեր: Իսահակեանը բազմաժանր գրող է: Նրա երկերը թարգմանուել են բազմաթիւ լեզուներով եւ իրենց արժանի տեղն ունեն համաշխարհային գրականութեան գանձարանում: ​
Աւետիք Իսահակեանի այս ժողովածուն լոյս է տեսել «Իմ գրադարանը» մատենաշարով: «Իմ գրադարանը» մատենաշարի իւրաքանչիւր գրքում ներկայացուած են հայ դասական գրողների լաւագոյն գործերը: Մատենաշարը հասցէագրուած է դպրոցականներին, ուսանողներին, մեծահասակ ընթերցողներին եւ առհասարակ բոլոր նրանց, ովքեր սիրում են հայ գրականութիւնը: