Նար-Դոսն իր գրական գործունէութիւնն սկսել է XIX դարի 80-ական թուականներին: Սկզբում գրել է բանաստեղծութիւններ, ապա՝ պատմուածքներ: 1886 թուականից գրել է վէպեր եւ վիպակներ: Նար-Դոսի լեզուն ժամանակակից հայերէնի մի նոր բարձրակէտն է, իսկ ստեղծագործութիւնը՝ հայ արձակի մի նոր աստիճան:
Նար-Դոսի այս ժողովածուն լոյս է տեսել «Իմ գրադարանը» մատենաշարով: «Իմ գրադարանը» մատենաշարի իւրաքանչիւր գրքում ներկայացուած են հայ դասական գրողների լաւագոյն գործերը: Մատենաշարը հասցէագրուած է դպրոցականներին, ուսանողներին, մեծահասակ ընթերցողներին եւ առհասարակ բոլոր նրանց, ովքեր սիրում են հայ գրականութիւնը: