Պետրոս Դուրեանը հայ նոր քնարերգութեան առաջին նշանաւոր սիրերգակն է: Նա վերականգնել է միջնադարեան քնարերգութեան հետ պատմականօրէն խզուած կապը, հրաժարուել է կլասիցիզմից, բանաստեղծութեանը հաղորդել զգացմունքային խորութիւն, հոգեբանութիւն:
​Պետրոս Դուրեանի այս ժողովածուն լոյս է տեսել «Իմ գրադարանը» մատենաշարով: «Իմ գրադարանը» մատենաշարի իւրաքանչիւր գրքում ներկայացուած են հայ դասական գրողների լաւագոյն գործերը: Մատենաշարը հասցէագրուած է դպրոցականներին, ուսանողներին, մեծահասակ ընթերցողներին եւ առհասարակ բոլոր նրանց, ովքեր սիրում են հայ գրականութիւնը: